თავშესაფარში შშმ პირი გარდაიცვალა. შემთხვევა იმერეთში მოხდა. მამაკაცის ნათესავები ამტკიცებენ, რომ ბენეფიციარს მომვლელებმა სათანადოდ ვერ მიხედეს. სახლში გადასვენების შემდეგ კი ოჯახმა ვალერი კუპრაშვილს სხეულზე დამწვრობები აღენიშნებოდა. ის, რომ გარდაცვლილს სხეულზე მეორე ხარისხის დამწვრობა აქვს მიყენებული, ექსპერტიზაც ადასტურებს.
ოჯახმა ამბის გარკვევა თავშესაფარშ სცადა, თუმცა იქ უთხრეს, რომ პაციენტს მხოლოდ ჩაი გადაესხა.
როცა გამოატანეს გარდაცვლილი, უთხრეს, რომ რაღაც ჩაი გადაესხაო და მეთქი, კაი, ჩაი გადაგესხა, მაგრამ ორივე ფეხი? მე ეს გავიგე სანამ დავასაფლავებდით 8 საათით ადრე. ფეხები აქვს დაბინტული, ავყევი და სისხლი მოსდიოდა. აისრომა რომ ნახა, არ მიიღოო პაციენტი და თქვა, რომ ეს რთული დამწვრობაა და გადაიყვანეთ, მაგრამ თეა, ვინც არის მაგათი უფროსი, ამ თეამ არ გადააყვანინა, – ამბობს „პირველებთან“ კუპრაშვილის დეიდა ნათია ბორფანოვი.
გარდაცვლილის ბებია ამბობს, რომ მისი შვილიშვილი ავადმყოფობდა, თუმცა არაფერი სჭირდა ისეთი, რომ გარდაცვლილიყო.
თვალები გადანაბული ჰქონდა, არც ფერი ჰქონდა, არც არაფერი. ნუ გეშნია ნურაფრის, ექიმები გვყავდაო, ყველაფერი წესრიგშიაო, არც ფილტვებში არ აქვს არაფერი აბსოლუტურადო და ფილტვები დამწვარი ჰქონია ბავშვს. არ ჩავთვალეთ საჭიროდ, რომ გაგვეგებინებინა შენთვისო, როცა სულ გვირეკავდნენ, რომ ან წამალი ელევა ან რამე ჩამეტანა და გამეკეთებინა. ნამდვილად არ მოველოდი ამას. იმას სასიკვდილო არაფერი სჭირდა, კი, ავადმყოფი ბავში იყო, მაგრამ სასიკვდილო არაფერი სჭირდა, – ამბობს გარდაცვლილის ბებია.
საქმეზე გამოძიება სსკ-ის 116 მუხლით მიმდინარეობს, რაც გაუფრთხილებლობით სიცოცხლის მოსპობას ითვალისწინებს, თუმცა ამ დრომდე თავსესაფარ “იმერეთის” არცერთი თანამშრომელი დაკავებული არ არის.