ასპინძაში მომხდარი ავარიის შედეგად სამი პირი დაშავდა. ისინი სასწრაფო სამედიცინო დახმარების ჯგუფმა ახალციხის რეფერალურ ჰოსპიტალში გადაიყვანა.
არსებული ინფორმაციით, სამივე დაშავებულს ზედაპირული ტრავმები აღენიშნება.
მომხდართან დაკავშირებით შსს–მ გამოძიება სსკ–ს 276–ე მუხლის მეორე ნაწილით დაიწყო, რაც გულისხმობს ავტომობილის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.
ავარია წუხელ ღამით სოფელ იდუმალთან მოხდა.