პარიზის 2024 წლის ოლიმპიურ თამაშებზე ქართველმა მოკრივემ, ლაშა გურულმა (63.5 კგ) მერვედფინალური ეტაპის შეხვედრაში აზერბაიჯანელი მალიკ ჰასანოვი დაამარცხა და ოლიმპიადის საუკეთესო რვა მოკრივეს შორის მოხვდა.
ლაშა გურული მეოთხედფინალურ შეხვედრას პირველ აგვისტოს გამართავს, მისი მეტოქე ყაზახი ბაზარბაი მუჰამედსაბირი იქნება.
შეგახსენებთ, რომ გუშინ ოლიმპიადის კრივის ტურნირზე დებიუტანტმა გიორგი ყუშიტაშვილმა (92 კგ) პირველი ორთაბრძოლა გამართა – ქართველი აზიის ჩემპიონს, ტაჯიკ დავლატ ბოლტაევთან დაძაბულ ბრძოლაში 1:2 დამარცხდა და ოლიმპიადას დაემშვიდობა.
1tv.ge