მაინც რომელი საცხი გამოვიყენო? მრავალ კოსმეტიკურ ბრენდს ცელულიტის საწინააღმდეგო საცხების ხაზი აქვს, თუმცა ისინი ნაკლები ეფექტურობით გამოირჩევა.
ვინაიდან, ცელულიტთან ბრძოლა მხოლოდ კომპლექსური მიდგომით, სათანადო ვარჯიშითა და მასაჟით მიიღწევა.
ამასთანავე, ბუნებრივი სკრაბებიც ხელს უწყობს კანის ჯანსაღ იერს.
ყავა ერთ-ერთი გამორჩეული ინგრედიენტია, რომელიც სისხლის მიმოქცევას აუმჯობესებს და ცხიმოვან უბნებს შლის.
გთავაზობთ 3 მარტივ რეცეპტს, რომლის დამზადებასაც სახლის პირობებში შეძლებთ.
რეცეპტი N1
ინგრედიენტები
• ყავა
• შაქარი
• ზეთი
დაგჭირდებათ ¼ ჭიქა დაფქვილი, უხსნადი ყავა, რომელსაც 3 ს/კ თეთრი, ან ყავისფერ შაქარი უნდა დაუმატოთ, ასევე 3 ს/კ ქოქოსის ზეთი (შეგიძლიათ ზეითუნის ზეთიც გამოიყენოთ).
სურვილისამებრ, 1 ს/კ დაფქვილი დარიჩინი. ინგრედიენტები კარგად აურიეთ და მიღებული მასა სასურველ უბნებზე წაისვით. გაიჩერეთ 20-30 წუთი. ჩამოიბანეთ თბილი წყლით.
რეცეპტი N2
ინგრედიენტები
• წყალი
• ვაშლის ძმარი
• თაფლი
პატარა თასში 2 ს/კ ვაშლის ძმარი ჩაასხით, 1 ს/კ თაფლი დაამატეთ. შემდეგ ½ ჭიქა თბილი წყალი, მოურიეთ და წაისვით. გაიჩერეთ 25-30 წუთით.
ჩამოიბანეთ თბილი წყლით.
პროცედურა კვირაში 2-ჯერ გაიმეორეთ.
რეცეპტი N3
ინგრედიენტები
• ყავა
• კაკაო
• იოგურტი
• თაფლი
• ზეითუნის ზეთი
ერთმანეთში ვურევთ 5 ჭიქა ყავას, 2 ს/კ კაკაოს 2 ს/კ იოგურტს, 2 ს/კ თაფლს და 2 ს/კ ზეითუნის ზეთს.
დაიმასაჟეთ სასურველი უბნები ყოველდღე. შეგიძლიათ სკრაბი მაცივარში შეინახოთ.
წყარო: MKURNALI.GE