სახელმწიფო უსაფრთხოების სამსახურმა გამოკითხვაზე გრიფით საიდუმლო საქმეზე უკრაინაში მებრძოლი პირი, ნადიმ ხმალაძე დაიბარა. ამის შესახებ ხმალაძემ სოციალურ ქსელში თავად დაწერა.
მე, ნადიმ ხმალაძეს, ტერორიზმის და სახელმწიფო გადატრიალების მუხლით მიბარებს სუსი – წერს ხმალაძე სციალურ ქსელში.
გამოძიებას კითხვები სამ პირთან აქვს. ერთ-ერთი მათგანი, ლაშა ჭიღლაძე, უკვე წარსდგა მაგისტრი მოსამართლის წინაშე. ამავე საქმეზე, სუს-ში დაბარებულია ვაჟა ცეცაძეც.
“კურიერს” სახელმწიფო უსაფრთხოების სამსახურში დაუდასტურეს, რომ საქმე ტერორიზმის მომზადების მუხლითაც არის აღძრული. იმის გამო, რომ საქმე გრიფით საიდუმლოა, უწყება სხვა დეტალებს ამ ეტაპზე არ ასაჯაროებს.