მომღერალი გიორგი უშიკიშვილი ლელოს, ანა დოლიძის პარტია ხალხისთვის და მოძრაობა თავისუფლების მოედნის პოლიტიკურ ცენტრში გაერთიანდა.
“პირველ რიგში, ჩვენი ამბიცია უნდა უკავშირდებოდეს ჩვენი ქვეყნის ევროპულ მომავალს”- ამბობს მომღერალი.
უღრმესი მადლობა ნდობისთვის. ყველაზე მთავარი დღესაა ერთიანობა, სწორედ ამ ერთიანობისთვის ჩვენ უნდა გავაკეთოთ ყველაფერი. ვფიქრობ, ყველამ უნდა გადადოს თავისი ამბიციები და პირველ რიგში, ჩვენი ამბიცია უნდა უკავშირდებოდეს ჩვენი ქვეყნის ევროპულ მომავალს და სწორედ ამიტომ, მინდა ვთქვა, რომ ვდგები თქვენ გვერდით, რათა ჩემი, ჩემი შვილების და თქვენი შვილების მომავალი იყოს უკეთესი ჩვენს ევროპულ ოჯახში”- თქვა მან.
ლელო საქართველოსთვის, ანა დოლიძის პარტია ხალხისთვის და პოლიტიკური მოძრაობა თავისუფლების მოედანი საარჩევნოდ გაერთიანდნენ.
ახალი ოპოზიციური გაერთიანების პრეზენტაცია ევროპის მოედანზე გაიმართა.