“სენტ-ეტიენმა” დილა ქართული მისალმებით დაიწყო – რას წერს ზურიკო დავითაშვილის ახალი კლუბი?

23 წლის შემტევი ზურიკო დავითაშვილი “ბორდოდან” “სენტ-ეტიენში” გადავიდა.

ლიგა 1-ში აღზევებულმა “სენტ-ეტიენმა” დავითაშვილს კონტრაქტი 2028 წლის ზაფხულამდე გაუფორმა.

ზურიკომ განაცხადა, რომ ისტორიულ კლუბში გადასვლით ბედნიერია, მოუთმენლად ელის “ჟოფრუა გიშარზე” გულშემატკივრების წინაშე თამაშს და საფრანგეთის უმაღლეს დივიზიონში ასპარეზობა მისთვის დიდი გამოწვევაა.

კლუბის ოფიციალურ ფეისბუქგვერდზე დილით ზურიკოს ფოტო გამოქვეყნდა წარწერით:

Bonjour… ou plutôt დილა მშვიდობისა !