საქართველოს ეროვნული საფეხბურთო ნაკრების „ევრო 2024“-დან დაბრუნების აღსანიშნავად გამართული ღონისძიებები 260 000 ლარი დაჯდა.
აღნიშნულის შესახებ ვკითხულობთ პრემიერ-მინისტრის, ირაკლი კობახიძის მიერ ხელმოწერილ განკარგულებაში.
განკარგულების მიხედვით, ფინანსთა სამინისტროს მთავრობის სარეზერვო ფონდიდან საჭირო ხარჯების დაფარვის მიზნით, მთავრობის ადმინისტრაციას თანხა უნდა გამოყოს.
შეგახსენებთ, რომ 2 ივლისს საქართველოს ეროვნული ნაკრები სადებიუტო ევროპის ჩემპიონატიდან სამშობლოში დაბრუნდა. დღის ბოლოს თავისუფლების მოედანზე ღონისძიება „საქართველოს მადლობა საფეხბურთო ნაკრებს“ გაიმართა.
წყარო – ბიზნესპრესნიუსი