საქართველოს ნაკრების ფეხბურთელმა ზურიკო დავითაშვილმა არჩევანი გააკეთა – ის კარიერას სენტ ეტიენში გააგრძელებს.
ფრანგული მედია წერს, რომ 23 წლის ქართველმა ფეხბურთელმა უკვე მიაღწია შეთანხმებას საფრანგეთის 10-გზის ჩემპიონთან, რომელიც ლიგა 1-ში წელს დაბრუნდა, მას შემდეგ, რაც გიორგი მიქაუტაძის მეცი პლეი ოფში დაამარცხა.
L’Equipe კონტრაქტის დეტალებზეც წერს, რომლის მიხედვით, ზურიკო სენტ ეტიენთან 4-წლიან კონტრაქტს გააფორმებს, კიდევ ერთი წლით განახლების ვარიანტით. ბორდო ქართველი შემტევის სანაცვლოდ 6 მილიონ ევროს მიიღებს ბონუსების ჩათვლით. წყაროს თანახმად, ზურიკო უკვე სენტ ეტიენშია, სადაც კონტრაქტს ხელი უნდა მოაწეროს.