გენპროკურორობის კანდიდატი ცნობილია. თავდაპირველად ვრცელდებოდა ინორმაცია, რომ გენპროკურორობის კანდიდატი მამუკა მდინარაძე იქნებოდა, თუმცა საბოლოოდ არჩევანი გუნდმა იურიდიულ საკითხთა კომიტეტის თავმჯდომარე ოხანაშვილზე გააკეთა. ინფორმაციას “მთავარი არხი” ავრცელებს.
ოხანაშვილი არც უარყოფს, არც ადასტურებს და ამბობს, რომ ახლა საკითხი დღის წესრიგში არ დგას.
ცნობისთვის, საპროკურორო საბჭოს მიერ დღეს გამართულ მორიგ სხდომაზე საქართველოს გენერალური პროკურორობის კანდიდატების შერჩევის წესი დადგინდა.
გასაუბრების პროცესი “ლაივ სტრიმით“ გადაიცემა. გასაუბრების დასრულების შემდგომ, საპროკურორო საბჭო, შერჩევის პროცესში მონაწილე ყველა პირს ფარული წესით უყრის კენჭს და პროფესიონალიზმის, კვალიფიკაციის, გამოცდილების და მორალური ღირებულებების გათვალისწინებით, შეარჩევს გენერალური პროკურორობის არანაკლებ 3 კანდიდატს, რომელთა ერთი მესამედი მაინც განსხვავებული სქესის უნდა იყოს.
კონსულტაციები და გენერალური პროკურორობის კანდიდატების წარდგენა 2024 წლის 27 ივნისის ჩათვლით გრძელდება.