მიუხედავად იმისა, რომ საპატრიარქომ დააფიქსირა უკვე მკვეთრი პოზიცია იმასთან დაკავშირებით, რომ ეკლესია არ ჩაერთვება ვაქცინაციის აქტიურ პროპაგანდაში, ჯანდაცვის მინისტრი ეკატერინე ტიკარაძე წინასააღდგომოდ კათოლიკოს-პატრიარქ ილია მეორესთან შეხვედრას გეგმავს. ამის შესახებ თავად მინისტრმა განაცხადა.
ტიკარაძე, იმედს გამოთქვამს, რომგასული წლის მსგავსად, ეკლესია წელსაც ხალხის გვერდით დადგება.
“მე დარწმუნებული ვარ, რომ როგორც შარშან იდგა ეკლესია საეკლესიო დღესასწაულებზე ხალხისა და მთავრობის გვერდით, წელსაც დიდი იმედი გვქვს მათი მხარდაჭერის. საეკლესიო დღესასწაულების წინ, დაგეგმილია შეხვედრა საქართველოს პატრიარქთან, ილია მეორესთან,”- ეკატერინე ტიკერაძე.
გავრცელებული ინფორმაციით საუბარი შეეხება აღდგომის დღესასწაულზე, სასაფლაოებზე საზოგადოების მხრიდან მაქსიმალური უსაფრთხოების დაცვას, რაც სასმელისა და სასაფლაოებზე ჭამა-სმის შეზღუდვას უკავშირდება. შეეხება თუ არა საუბარი ვაქცინაციას, ან შესაძლო ლოქდაუნის თემას, ჯერჯერობით უცნობია.
შეგახსენებთ, ტიკარაძე ერთი თვის წინ უკვე შეხვდა პატრიარქს და მან მას ეპიდვითარებისა და ვაქცინაციის შესახებ დეტალური ინფორმაცია მიაწოდა.