მორიელი
ზოდიაქოს ამ ნიშნის წარმომადგენლებს შესაძლოა, პირად ცხოვრებაში გარკვეული სირთულეები შეხვდეთ და ამის გამო ინერვიულონ, იმედგაცრუება განიცადონ და მოტივაციაც დაკარგონ. შეიძლება, სირთულეები მოულოდნელად გაჩნდეს ან კიდევ თუკი აქამდეც გქონდათ უთანხმოება, ახლა კონფლიქტი ბევრად უფრო გაღრმავდეს. ვარსკვლავები გირჩევენ, რომ ამ პერიოდში რადიკალური გადაწყვეტილებები არ მიიღოთ. მომატებული ემოციური ფონის გამო, შესაძლოა, სპონტანური გადაწყვეტილებების შედეგი დიდხანს ინანოთ. გარდა ამისა, შეეცადეთ, მოლაპარაკების გზა აირჩიოთ და უთანხმოება იქამდე განიხილოთ, ვიდრე ბევრად უფრო მასშტაბურ ხაზს მიაღწევს. დაუთმეთ დრო საკუთარ თავსაც. ჩაუღრმავდით თქვენს ემოციებს და განსაზღვრეთ, რა გსურთ კონკრეტულ ურთიერთობაში. ეს დაგეხმარებათ, რომ სწორი ნაბიჯები გადადგათ.
მშვილდოსანი
აქტიურმა მშვილდოსნებმა 2024 წელი განახლებული ძალებითა და ენერგიით დაიწყეს. შესაძლოა, ამ თვეების განმავლობაში გრძნობდით, როგორ იზრდება და ვითარდება, კიდევ უფრო ძლიერდება და ტკივილსა და საკუთარ შეცდომებზე ბევრს სწავლობს თქვენი თავი. ეს, რა თქმა უნდა, ძალიან კარგია. თუმცა, 2024 წლის ივნისში შესაძლოა, ენერგიის ნაკლებობა იგრძნოთ და მოტივაციაც დაკარგოთ. შეიძლება, ემოციურად გადაიღალეთ. ერთდროულად არაერთი პასუხისმგებლობა შეგხვდათ. სახალისო აქტივობებში ჩაერთეთ, მაგრამ ესეც დამღლელი აღმოჩნდა… მნიშვნელოვანია, საკუთარ სხეულს მოუსმინოთ. ასტროლოგები გირჩევენ, რომ ამ პერიოდის განმავლობაში კვებას, ძილს, საკუთარ თავს განსაკუთრებული ყურადღება დაუთმოთ. ასე ძალების აღდგენასა და ცხოვრების განახლებული ეტაპის დაწყებას შეძლებთ.
თხის რქა
2024 წლის ივნისი შესაძლოა, თქვენთვისაც ენერგიის დაკარგვასთან ასოცირდებოდეს. ის, რასაც აქამდე სიამოვნებით აკეთებდით, მოგბეზრდეთ და უინტერესოდ ჩათვალოთ, მასში შთაგონება ვეღარ იპოვოთ. გაღიზიანება და შინაგანი შფოთვა კი შეიძლება, ყოველდღიურ ცხოვრებასა და ურთიერთობებზეც აისახოს. თუმცა, ასტროლოგები გირჩევენ, რომ ცვლილებების საჭიროებაზე დაფიქრდეთ. იქნებ, მართლა დადგა დრო, რომ რუტინული საქმეები ახალი გამოწვევებით ჩაანაცვლოთ და თქვენი შესაძლებლობებიც განსხვავებულ ამპლუაში მოსინჯოთ. შესაძლოა, წინ არაერთი საინტერესო თავგადასავალი და საინტერესო აქტივობა გელით.