ხვიჩა კვარაცხელიას შესახებ „ნაპოლის“ პრეზიდენტს, აურელიო დე ლაურენტისს მტკიცე პოზიცია აქვს, მაგრამ პარიზული კლუბის განსაკუთრებულმა შეთავაზებამ, შესაძლოა, ვითარება შეცვალოს, – ინფორმაციას ფრანგული გამოცემა „ეკიპი“ ავრცელებს.
როგორც ცნობილია, პსჟ აქტიურ მოლაპარაკებებს აწარმოებს ნაპოლის ქართველ შემტევთან ხვიჩა კვარაცხელიასთან და მათი ნომერ პირველი სამიზნე სწორედ ქართველია.
ირკვევა, რომ პარიზელები კვარაცხელიას სანაცვლოდ 100 მილიონი ევროს გადახდას აპირებენ და ყველაფერი დე ლაურენტისზეა დამოკიდებული.
თუ კვარაცხელია პსჟ-ში გადავა, 4-წლიან კონტრაქტს გააფორმებს და მისი წლიური ანაზღაურება 10 მილიონი ევრო იქნება.
შეგახსენებთ იმასაც, რომ ამჟამად კვარაცხელიას ხელფასი ნაპოლიში 1.5 მილიონ ევროს შეადგენს.