თბილისში, ნაძალადევის რაიონში 3 ადამიანი დაჭრეს. არსებული ინფორმაციით, მათ სიცოცხლეს საფრთხე არ ემუქრება.
ნაძალადევის რაიონში, ზესტაფონის ქუჩაზე მომხდარი შემთხვევისას დაჭრილი ერთ-ერთი ადამიანის ჯანმრთელობის მდგომარეობა ამ დროისთვის სტაბილურია. ის კლინიკაში რჩება. კიდევ ორი დაჭრილის მდგომარეობა, უცნობია. სამივე მათგანს ჭრილობები ცივი იარაღით აქვს მიყენებული.
“მთავარი არხის” ინფორმაციით, ნაძალადევის რაიონში, ზესტაფონის ქუჩაზე მომხდარი დაჭრის ფაქტზე ერთი პირი დააკავეს. თუმცა, შინაგან საქმეთა სამინისტროს აღნიშნულთან დაკავშირებით ოფიციალური ინფორმაცია ჯერჯერობით არ გაუვრცელებია.