აქტივისტი დავით ქაცარავა ხშირად დადის საქართველოს საზღვრებთან და სიცოცხლის რისკის ფასად აპროტესტებს ბორდერიზაციას. მისმა მეუღლემ ამ ფაქტთან დაკავშირებით რამდენიმე ხნის წინ სოციალურ ქსელში სულისშემძვრელი პოსტიც გამოაქვეყნა
“ახლა ვზივარ სახლში და არეული გრძნობების გამო ვტირი. რა ვქნა, რა მოვიმოქმედო?
ჩავკეტო და არ გავუშვა? დედა, რა გატირებს? – მეკითხება ქეთი. აბა, რა ავუხსნა?
დე, მამიკო რუსი იარაღიანი ჯარისკაცების წინ დგება და სროლა მოგიწევსო, ამას ეუბნება-თქო, ეს ვუთხრა? ჩემი ცხოვრების ადამიანი რაღაცებს სჩადის და მე ვეთანხმები, ყველაფერში გვერდში ვუდგავარ. ერთის მხრივ შიშით გული მისკდება და ამავე დროს ამ სამივე შვილით მივალ და მეც ვუყვირებ, მესროლეთ-თქო – მართლა ამ აზრზე ვარ!
ათჯერ ვუყურე დღევანდელ ვიდეოს. აი, რუსულად რომ ეუბნება ირაღიანებს რაღაცეებს, თან ის ფოტოს რომ უღებს ჩემს ქმარს, მაგ მომენტზე ღრიალით ვსკდები. არ ვიცი, რა ვქნა, მართლა რაღაც ძალიან უცნაური ხდება ჩემს და ჩემი ოჯახის თავს.
ეს ცხოვრება წამია და დაე ღირებულ წამად შედგეს ყოველი ჩვენგანისთვის”. – წერ დავით ქაცარავს მეუღლე
დავით ქაცარავას მეუღლე სოფო ხაჭაპურიძე სოციალურ ქსელში წერს, რომ სამართალდამცველებმა აქტივისტს ტელეფონი, საფულე და პირადი ჩანთა მოპარეს. ხაჭაპურიძე ამბობს, რომ ქაცარავას მდგომარეობა მძიმეა და ის მისივე მხარდამჭერებს გამხნევებისთვის მადლობას უხდის.
“როგორც იცით, ცემის დროს ტელეფონი, საფულე და პირადი ჩანთა მოპარეს დათოს ამ ჯალათებმა.
არ აქვს წვდომა ფეისბუკთან. მთხოვა დამეწერა მადლიერების პოსტი ყველა ადამიანის მიმართ, ვინც მხარდაჭერას უცხადებს.
დარწმუნებული ვართ, უამრავი წერს პირადში!
მძიმედ, მაგრამ მხნედაა!
გითვლით მოკითხვას და სიყვარულს!” – წერს სოფო ხაჭაპურიძე.