2 მაისს, გმირთა მოედნის მიმდებარედ რუსული კანონის საწინააღმდეგო აქციაზე 23 პირი დააკავეს – ინფორმაციას “მთავარი არხის” ვებგვერდს შინაგან საქმეთა სამინისტრო უდასტურებს. ცნობილია, რომ გუშინ დაკავებულებს შორის ორი მუსიკოსია: “ქვემეხის” წევრი, სანდრო ქერაული და Bedford Falls-ის წევრი, მიხო კალატოზიშვილი. უწყება ამბობს, რომ დაკავებულ პირებს წვრილმან ხულიგნობასა და პოლიციელების დაუმორჩილებლობას ედავებიან.
შეგახსენებთ, რომ 2 მაისს, რუსული კანონის საწინააღმდეგო მსვლელობის მონაწილეები გმირთა მოედანზე მივიდნენ. ადგილზე მოძრაობა რამდენიმე საათით პარალიზებული იყო – გმირთა მოედანზე მასშტაბური აქცია გაიმართა.