შსს მორიგ განცხადებას ავრცელებს, სადაც ნათქვამია, რომ მას შემდეგ, რაც დეპუტატებმა და პარლამენტის აპარატის თანამშრომლებმა ტერიტორია დატოვეს, სამინისტროს სხვადასხვა დანაყოფის წარმომადგენლებმაც სრულად დატოვეს პარლამენტის მიმდებარე ტერიტორია.
“შინაგან საქმეთა სამინისტროს სხვადასხვა დანაყოფის წარმომადგენლებმა, მას შემდეგ, რაც უზრუნველყვეს დეპუტატებისა და პარლამენტის აპარატის თანამშრომლების შენობიდან უსაფრთხო გამოსვლა, სრულად დატოვეს პარლამენტის მიმდებარე ტერიტორია. პროტესტის გამომხატველებს შესაძლებლობა აქვთ აქცია გამართონ მათთვის სასურველ ადგილზე.
შინაგან საქმეთა სამინისტრო მოუწოდებს პოლიტიკური პარტიების ლიდერებს, აქციის ორგანიზატორებსა და მონაწილეებს, არ დაარღვიონ კანონი, პროტესტი გამოხატონ მშვიდ ვითარებაში და არ განახორციელონ ძალადობრივი ქმედებები” – წერია განცხადებაში