დასუფთავების სამსახურის თანამშრომელი, რომელიც გუშინ რუსულ კანონს აპროტესტებდა, სამსახურიდან გაათავისუფლეს.
როგორც იორგი მუხიდულაშვილი “პირველებთან” აცხადებს, საქართველოს ევროპული მომავლის დაცვისთვის სამსახურიდან გააგდეს.
“სამსახურში როცა მივედი მითხრეს, რომ “არა რუსულ კანონს, კი ევროპას” ვამბობდი და ამ სიტყვების გამო გამომიშვეს“, – აცხადებს “თბილსერვის ჯგუფის” ყოფილი თანამშრომელი.
გიორგი მუხიდულაშვილი ამბობს, რომ დასუფთავების სამსახურში 2 წელზე მეტხანს მუშაობდა, თუმცა მიუხედავად მის მიმართ განხორციელებული რეპრესიებისა, დანებებას არ აპირებს.
“გუშინ ვიყავი აქციაზე. კი ევროპას, არა რუსულ კანონს ვიძახდი. რომ ვიყავი მისული სამსახურში მითხრეს, რომ შენ ამ სიტყვებს ამბობდი და თავისუფალი ხარ სამსახურიდანო. 2 წელიწად ნახევარი ვმუშაობდი. გამომიშვეს, რა ვქნა. მე საქართველოს გვერდით ვიქნები”, – ამბობს გიორგი მუხიდულაშვილი.