პარლამენტმა რუსული კანონის მეორე მოსმენის დღევანდელი განხილვა დაასრულა.
როგორც პარლამენტის თავმჯდომარემ, შალვა პაპუაშვილმა განაცხადა, განხილვა ხვალ, 12 საათიდან გაგრძელდება.
სავარაუდოდ კანონპროექტი ხვალვე გავა კენჭისყრაზე.
“ოცნების” დეპუტატები ნელ-ნელა საკანონმდებლო ორგანოს დატოვებას დაიწყებენ. სავარაუდოდ ამ ფაქტს უკავშირდება შსს-ს სხვადასხვა დანაყოფების გაძლიერებული მობილიზება პარლამენტის შესასვლელებთან, განსაკუთრებით კი ჩიტაძის ქუჩაზე.
ამაგრებენ საავტომობილო გამოსასვლელსაც. გამოყვანილია წყლის ჭავლის მანქანაც.
საკანონმდებლო ორგანოსთან რუსული კანონის საწინააღმდეგო აქცია მიმდინარეობს.