“მე ვდგავარ ჩემი შვილების გვერდით, მე ვარ ვალდებული ამ თაობის გვერდით ვიყო”– აცხადებს მამა პეტრე კოლხი, რომელი “რუსული კანონის” გასაპროტესტებლად აქციაზე იმყოფება.
“ყველა ჩვენგანი უნდა იყოს ვადებული, ამ თაობის გვერდით იდგეს, იმ თაობის გვერდით, რომელსაც სჭირდება დემოკრატიული სახელმწიფო მოღალატე რუსეთის გარეშე”–აცხადებს პეტრე კოლხი.
ცნობისთვის, კომიტეტის სხდომაზე „უცხოური გამჭვირვალობის შესახებ“ კანონპროექტის განხილვა დილიდან ხმაურისა და მწვავე დაპირისპირების ფონზე მიმდინარეობდა. საკომიტეტო მოსმენის პარალელურად, მთელი დღის განმავლობაში აქცია მიმდინარეობდა პარლამენტის უკანა შესასვლელთან.
ხმაურიანი განხილვის შემდეგ, იურიდიულმა კომიტეტმა “რუსულ კანონს” მხარი დაუჭირა.
შსს–ს გამაფრთხილებელ განცხადება ორჯერ გაავრცელა და აქციის მონაწილეებს პოლიციელების კანონიერი მოთხოვნების დამორჩილებისკენ მოუწოდა. ხოლო, იმ შემთხვევაში თუ აქციის მონაწილეები არ დაემორჩილებიან პოლიციელების კანონიერ მოთხოვნას, გასცდებიან გამოხატვის თავისუფლებისა და მშვიდობიანი შეკრების კანონით დადგენილ ნორმებს, სამართალდამცველები წესრიგის დაცვის მიზნით, კანონით გათვალისწინებულ სპეციალურ საშუალებებს გამოიყენებენ.
აქცია ამ წუთებშიც გრძელდება.