“სულ მჯეროდა, რომ ქალბატონი სალომე შეიწყალებდა ლაზარეს ” – ამბობს ლაზარე გრიგორიადისის დედა, თამთა კალანდაძე და პრეზიდენტ ზურაბიშვილს ამ გადაწყვეტილებისთვის მადლობას უხდის.
თამთა კალანდაძე შეწყალების გადაწყვეტილებას ემოციურად შეხვდა
“სულ მჯეროდა, ნოემბერში როდესაც ჩამოვედი, იმ დღიდან მჯერა, რომ ქალბატონი სალომე შეიწყალებდა ლაზარეს იმიტომ, რომ ისეთი არასამართლიანი იყო ეს მიდგომა, ყველას დასანახად ისჯებოდა, რომელიც დაიწყო მისი გაშავების პროპაგანდით.. გულით და სულით მჯეროდა, რომ სალომე ზურაბიშვილი შეიწყალებდა .. მინდა უღრმესი მადლობა გადავუხადო სალომე ზურაბიშვილს, ყველა ჟურნალისტს, თითოეულ ადამიანს, რომელიც გვერდში გვედგა ამდენი ხნის განმავლობაში” – ამბობს თამთა კალანდაძე, ფორმულას ეთერში.