🎥 ნახეთ, რა თქვა ინტერვიუში გიორგი ქოჩორაშვილმა, ესპანეთში დაბრუნების შემდეგ

საქართველოს ნაკრების ნახევარმცველი გიორგი ქოჩორაშვილი ესპანეთში დაბრუნდა. აეროპორტში მას Superdeporte-ს ჟურნალისტი დახვდა, რომელთანაც გიორგიმ მცირე კომენტარი გააკეთა.

ქოჩორაშვილმა საუბარი ევრო 2024-ზე გასვლით დაიწყო, მაგრამ ის უკვე ფოკუსირებულია ახალ სეზონზე:

“საქართველოში ისტორია დავწერეთ, ჩვენთვის ყველაზე მთავარია ეროვნულ ნაკრებში თამაში. უნდა დავტკბეთ ამ სიხარულით, მაგრამ ახლა კონცენტრაცია აწმყოზე უნდა გავაკეთოთ და უკვე ორიენტირებული ვარ ლევანტეს მატჩებზე”.

სანამ ევრო 2024 იქნება, მანამდე ლა ლიგა 2-ში სეზონი უნდა დასრულდეს. 24 წლის ქართველი ფეხბურთელიც ამ ეტაპზე მხოლოდ საკლუბო მატჩებზეა კონცენტრირებული და სურს ლევანტეს ლა ლიგაში დაბრუნებაში დაეხმაროს.

“მთავარი ის იყო, რომ ფიზიკურად თავს ძალიან კარგად ვგრძნობდი. თუმცა ახლა მგზავრობისგან დაღლილი ვარ, ბაზაზე უნდა წავიდე, ძალები აღვიდგინო და გუნდთან ერთად ვარჯიში დავიწყო. მინდა ლევანტეს დავეხმარო ლა ლიგაში აღზევებაში, იქ დაბრუნებაში, სადაც ყოფნას იმსახურებს და დროა, ლევანტესთვის ყველაფერი გავაკეთოთ”.

შეგახსენებთ, რომ გიორგი ქოჩორაშვილმა ლევანტეს მაისურით ლა ლიგა 2-ის მიმდინარე სეზონში 17 მატჩში 2 გოლი გაიტანა. საქართველოს ნაკრებში მას დებიუტი გასულ წელს ჰქონდა და დღემდე ეროვნული გუნდის მაისურით მხოლოდ 7-ჯერ ითამაშა, თუმცა, საბერძნეთთან მოგებული ისტორიული შეხვედრის ერთ-ერთი მთავარი გმირი სწორედ გიორგი იყო.

ლევანტე ლა ლიგა 2-ში 32 ტურის შემდეგ 47 ქულით მე-11 ადგილზეა, მაგრამ პლეი ოფში გასვლის შანსი აქვს. ვალენსიელები 30 მარტს, სტუმრად ვალიადოლიდს შეხვდებიან.

#LevanteUD 🐸 |

👏🇬🇪 Kochorashvili llega a Valencia tras hacer historia con Georgia

🗣️ “Ahora lo más importante es ascender con el Levante”

🎥 @RafaEsteve19

📰 Todas las declaraciones del levantinista a SUPER en nuestra web 🔗 https://t.co/ZRFaAUvMz8 pic.twitter.com/wVO5afVsBY

— Superdeporte (@superdeporte_es) March 28, 2024

წყარო: europop.ge