უკვე არაერთი შემთხვევა დაფიქსირდა, რომლის დროსაც გადამყიდველებს, რომლებიც კოლოსალურ ფასებად ყიდიან მატჩის ბილეთებს, კონკრეტული ადამიანები შეხვდნენ ბილეთის ყიდვის მიზნით და სცემეს. აღნიშნულის შესახებ “მეტრონომმა” გუშინ გამოაქვეყნა სტატია.
დღეს მოვიპოვეთ ექსკლუზიური ინფორმაცია, რომ ცემის ფაქტები ისევ განმეორდა.
როგორც ჩვენთვის გახდა ცნობილი, აღნიშნულის შესახებ პოლიციაშიც შევიდა განცხადება.
არაერთი გულშემატკივარი მოგვმართავს, რომ მათ თავად დაიწყეს საკუთარი სამართლიანობის აღდგენა იქიდან გამომდინარე, რომ საქართველოს ფეხბურთის ფედერაცია ვერ ახდენს ბილეთების სამართლიან გაყიდვებს. ისინი აანონსებენ, რომ უსამართლო ფასების პირობებში კიდევ განაგრძობენ მსგავს ქმედებებს.
მომხდარის შესახებ ინფორმაცია ასევე ვრცელდება ჯგუფში “ბილეთების შავი ბაზარი”:
“მეტრონომის” ადმინისტრაცია ემიჯნება ყოველგვარ ძალადობას და მომხდარის შესახებ შესაბამის უწყებებს სწრაფი რეაგირებისკენ მოუწოდებს.