26 მარტს დინამო არენაზე უმნიშვნელოვანესი მატჩი გაიმართება, მასში გამარჯვებული ევრო 2024-ის ფინალურ ეტაპზე თამაშის უფლებას მიიღებს. ბილეთების გაყიდვის დაწყებიდან 5 საათსა და 35 წუთში საქართველო – საბერძნეთის მატჩზე დასასწრები ყველა ბილეთი გაიყიდა.
საქართველოს ნაკრებთან მომავალ მატჩთან დაკავშირებით საბერძნეთში დიდი აჟიიოტაჟია და აღნიშნავენ, რომ მძიმე პირობებში მოუწევთ თამაში.
“დინამო არენაზე” ანშლაგს sdna.gr გამოეხმაურა: “ჩვენი ეროვნული გუნდი წლის მატჩისთვის ემზადება, რომელმაც უნდა გადაწყვიტოს, რომელი გუნდი გაემგზავრება ევროპის ჩემპიონატზე გერმანიაში. შეხვედრაზე ყველა ბილეთის რეალიზაცია უმალ მოხდა, ბევრი გულშემატკივარი ვერ შეძლებს სტადიონზე შესვლას, “შავ
ბაზარზე” კი “ჯადოსნური ქაღალდის” ფასი 450 ევროს აღწევს! საბერძნეთის ფეხბურთის ფედერაციამ თბილისში 2 300 ქომაგის გამგზავრება უზრუნველყო, მაგრამ მსურველი გაცილებით მეტია” – წერია განცხადებაში. წყარო – sportall.ge.
გადამყიდველებს ხელში ჩაუვარდათ ათასობით ბილეთი. სოციალურ ქსელში ბილეთების შავ ბაზარზე უკვე გამოჩნდნენ ე.წ. “გადამყიდველები”, რომლებიც ბილეთებს თვითღირებულებაზე ბევრად ძვირად ყიდიან, სწორედ ამიტომ 26 მარტის ისტორიულ მატჩზე დასწრებას ასეულობით ადამიანი ვერ ახერხებს.