პირველი რეკორდი გიორგი გახარიამ სოციალურ ქსელში თანამდებობიდან წასვლის წინ დაამყარა. თანამშრომლებთან ერთად გადაღებულ გამოსამშვიდობებელ ფოტოს დღეს უკვე 213 ათასი გამოხმაურება აქვს. ერთ თვეში მეორე ფოტო გამოაქვეყნა, სადაც პოლიტიკაში დაბრუნება დააანონსა. მართალია, პირველი ფოტოს რეკორდი ვერ მოხსნა, მაგრამ გახარიას სურათს ამჟამად 59 ათასი რეაქცია აქვს.
Ambebi.ge-მ ექსკლუზიურად მოიპოვა ექსპრემიერის არაპოლიტიკური ფოტოები, სადაც ის ოჯახთან ერთადაა გადაღებული. ირკვევა, რომ გახარიას არაპოლიტიკური დრესკოდი ჯინსებია და არც მოდურ ჰუდზე ამბობს უარს.
ოჯახურ ფოტოებზე მშობლიურ სოფელს, მუხურს სტუმრობს… ამბობენ, რომ განსაკუთრებული დამოკიდებულება აქვთ მამა-შვილს. გიორგი გახარიას მეუღლე მარიკა ფანცულაია ერთ-ერთ კლინიკაში ექიმ-ლაბორანტად მუშაობს. წყვილს ერთი შვილი, 10 წლის ანა გახარია ჰყავთ.
დედა-შვილი იშვიათად ჩნდებიან პოლიტიკოსის გვერდით… როგორ მიიღებს პოლიტიკაში დაბრუნებულ გიორგი გახარიას საზოგადოება, ამას დრო გვიჩვენებს, თუმცა, არსებობს კითხვები, რომელსაც ჟურნალისტები დაბრუნების შემდეგ დაუსვამენ და როგორც მათ გუშინ, პოლიტიკიდან წასვლის შემდეგ, პირველი შეხვედრისას უთხრა – „დროებით, მალე შევხვდებით. ყველა კითხვას, როგორც ყოველთვის, წარსულში, პასუხები გაეცემა…“
