მამა გიორგის გადაუდებელი რეაბილიტაცია ესაჭიროება – თორნიკე მამალაძე სასულიერო პირის ჯანმრთელობის მდგომარეობის შესახებ ინფორმაციას ავრცელებს. სასულიერო პირის ძმა სოციალურ ქსელში წერს, რომ მამა გიორგი მამალაძის დახმარების მსურველი ბევრი ადამიანი გამოჩნდა, მათ შორის ემიგრანტებიც, რომლებიც მზად არიან, სასულიერო პირს სამკურნალოდ ფინანსური დახმარება გაუწიონ. მამა გიორგის ძმა საბანკო რეკვიზიტებს აქვეყნებს და მოქალაქეებს დახმარებისთვის მადლობას უხდის.
“მოგეხსენებათ, სტამბულში ვიმყოფებით, სადაც მამა გიორგის კიდურების მოძრაობის აღდგენისთვის რეაბილიტაცია უტარდება. სამწუხაროდ, ასეთი თერაპია საქართველოში არ ტარდება და ყველაზე ახლო და ფინანსურად ხელმისაწვდომი ეს კლინიკა აღმოჩნდა. ამ ყველაფრის დაწყება ოჯახის ხელთ არსებული რესურსებითა და კეთილი ადამიანების შემწეობით შევძელით. ექიმები იმედს გვაძლევენ.ჩვენ გვეხმიანებიან მეგობრები, ნაცნობი თუ უცნობი ადამიანები, მათ შორის ემიგრანტები და გვთხოვენ ანგარიშის ნომერს, რათა საკუთარი ფინანსური წვლილი შეიტანონ მამაოს გამოჯანმრთელების საქმეში. არც კი ვიცი, როგორ გამოვხატო მადლიერება. ვინაიდან რთულია თითოეულს მივაწოდოთ ჩვენი საბანკო რეკვიზიტები, ამიტომ გადავწყვიტე ამ პოსტში დავწერო ანგარიშის ნომერი. კიდევ ერთხელ უღრმესი მადლობა შეწევნისთვის,რომელიც მართლაც რომ საჭიროა მამა გიორგის გამოჯანმრთელებისთვის , რადგანაც საჭიროა რეაბილიტაციის გადაუდებელი გაგრძელება,ასევე, გთხოვთ, შეძლებისდაგვარად გააზიაროთ პოსტი, რათა მეტად ხელმისაწვდომი გახდეს ეს ინფორმაცია
საქართველოს ბანკი GE73BG0000000537181325
თბს ბანკი GE98TB7261545061100012
მიმღები: თორნიკე მამალაძე” – წერს დეკანოზის ძმა სოციალურ ქსელში.