თბილისში, ჩუღურეთის რაიონში, ნინოშვილის 48 ნომერში სამსართულიანი სახლის საყრდენი კედელი ჩამოინგრა.
ნგრევის მომენტში ადგილზე გამგეობის მიერ დაქირავებული კომპანიის 3 თანამშრომელი მუშაობდა, რომლებსაც შენობაში საკანალიზაციო მილები უნდა მოეწყოთ.
მოსახლეობა ამბობს, რომ “სამი ადამიანი შემთხვევით გადარჩა”.
მიმდებარე ტერიტორიაზე ამ დრომდე რჩებიან საგანგებო სიტუაციების მართვის სამსახურები, პოლიციელები, გამგეობისა და თბილისის მერიის წარმომადგენლები.
ადგილობრივების განცხადებით, სახლს ჰქონდა პრობლემა, რომლის შესახებაც “ჯორჯიან ვოთერ ენდ ფაუერს” რამდენჯერმე მიმართეს, თუმცა მათგან სათანადო რეაგირება არ მიუღიათ.
წყარო: მთავარი არხი