გორში მანქანა ქვეითს დაეჯახა – რა ინფორმაცია ვრცელდება შემთხვევის ადგილიდან

გორში, ჭავჭავაძის ქუჩაზე, ავტომობილი ქვეითს დაეჯახა. დაშავებულია ერთი მამაკაცი. ის სასწრაფო დახმარების ბრიგადამ კლინიკაში გადაიყვანა. შემთხვევის ადგილზე სამართალდამცავები იყვნენ მობილიზებულები. შინაგან საქმეთა სამინისტროში აცხადებენ, რომ მომხდარზე გამოძიება სისხლის სამართლის კოდექსის 276 მუხლის (ტრანსპორტის მოძრაობის უსაფრთხოების ან ექსპლუატაციის  წესის დარღვევა) მე-2 ნაწილით დაიწყო.