„ვიცი, რომ ბარიგების შეკვეთა იყო ჩემი ცემის ვიდეოს სოციალურ ქსელში ატვირთვა და შესაბამისად, როგორც ნარკოტიკით ისე ფულად ჯილდოსაც გადასცემდნენ კონკრეტულ პირებს,“ – ამ განცხადებას „რეაქციაში“ ელისო კილაძე აკეთებს.
ელისო კილაძე ამბობს, რომ მისი მიმართულებით სროლა მის დაშინებას ემსახურებოდა. ელისო კილაძის თქმით, მას არ სჯერა იმ ვერსიის, რომ გიორგი იანტბელიძეს, რომელიც დღეს პოლიციაში მივიდა, გაუვარდა.
“ბოლო ორი კვირაა, ტელეგრამ ჩატებში, სადაც ხდება ნარკოტიკების რეალიზაცია, პირდაპირი მუქარა ისმის, რომ 5 ათას დოლარად გამაგორებენ, 10 ათას დოლარად, ათას დოლარად. ვიცი, რომ ბარიგების შეკვეთა იყო ჩემი ცემის ვიდეოს სოციალურ ქსელში ატვირთვა და შესაბამისად, როგორც ნარკოტიკით ისე ფულად ჯილდოსაც გადასცემდნენ კონკრეტულ პირებს.
წუხელ გვიან ღამით უკვე ვიცოდი, რომ დღეს დილით გამოცხადდებოდა პოლიციაში გიორგი იანტბელიძე, რომელიც იტყოდა, რომ მას გაუვარდა თოფი სანადირო, აივანზე წმენდდა, თურმე დააყოლა, რომ ეს მისი ტყვია არ არის.
წუხელ მე სხვა ვერსია ვიცოდი, იმიტომ, რომ პოლიციაში ,ითხრეს, რომ იმ ბინაში ცხოვრობს მოხუცი კაცი, რომელიც პერიოდულად თვრება და ამ იარაღით ისვრის შობას და ახალ წელს. მერე გვიან ღამით ცნობილი გახდა ამ ვერსიის თაობაზე, რომ ადამიანმა გადაწყვიტა თავისი ფეხით მივიდეს პოლიციაში და აღიაროს, რომ გაუვარდა. როგორ გაუვარდა? – თუ წმენდდა, არ ხდება ასე, რომ ვაზნა იყოს თოფში და გაწმინდოს,“ – ამბობს ელისო კილაძე.