იტალიაში, ქართველმა ქართველი მოკლა. ინფორმაციას ადგილობრივი მედია ავრცელებს.
მოკლული 49 წლის პავლე შუბითიძეა.
თვითმხილველები ჰყვებიან, რომ საღამოს 19 საათზე ორ პირს შორის დაიწყო ფიზიკურ დაპირისპირება, რის შედეგადაც ერთ-ერთი ცუდად გახდა და სასწრაფო-სამედიცინო დახმარების მანქანაში გარდაიცვალა.
ქართველის მკვლელობის საქმეზე, ადგილობრივმა პოლიციამ ოლეგი ჭუჭულაშვილი დააკავა.
კონფლიქტის წარმოშობისა და მამაკაცის გარდაცვალების მიზეზებს გამოძიება დაადგენს. გარდაცვლილი პირის საქართველოში გადმოსვენების თარიღი, ჯერჯერობით, უცნობია.