“ასეთი კაცები სამკურნალო და დასახმარებლები არიან, რადგან ტრავმებისგან, კომპლექსებისგან, კომპენსაციებისგან და კიდევ ბევრი უბედურებებისგან შედგება მათი ოჯახები” – ამის შესახებ აქტივისტი და ბლოგერი დომენიკ მანგო სოციალურ ქსელში წერს.
“კაცი, რომელიც ქალს ეძებს იმისთვის, რომ უპირატესად იგრძნოს თავი მასთან, მას გრძნობდეს როგორც სუსტს, უცოდინარს და მორჩილს, არის ყველაზე საწყალი, არასრულფასოვნების კომპლექსის მქონე, მშობლებისგან დათრგუნული ბავშვი, რომელსაც ქალთან უნდა იგრძნოს ის, რასაც მისი მშობლები გრძნობდნენ მის მიმართ, როდესაც როგორც სუსტს ისე ექცეოდნენ. ამას ქვია პროექცია. ასეთი კაცები სამკურნალო და დასახმარებელია, რადგან ტრავმებისგან, კომპლექსებისგან, კომპენსაციებისგან და კიდევ ბევრი უბედურებებისგან შედგება მათი ოჯახები, რომლითაც იწამლება უპირველესყოვლისა ჯერ ცოლები და შემდეგ უკვე შვილები, რომლებიც ამ საშინელ მემკვიდრეობას აგრძელებენ. ჯანმრთელი ადამიანი ბედნიერია თანასწორობის პირობებში, რადგან ბალანსი ბუნების კანონზომიერებაა”