ასე აჩუმებს კრიტიკოსებს – რა სასიხარულო ინფორმაცია გახდა ცნობილი კვარაცხელიას შესახებ

“ნაპოლისა” და საქართელოს ნაკრების ვარსკვლავი, ხვიჩა კვარაცხელია იტალიის სერია A-ს ტურის სიმბოლურ ნაკრებში მოხვდა.

როგორც ცნობილია, რჩეულები ანალიტიკურმა ვებგვერდმა Sofascore-მა დაასახელა.

„ნაპოლიმ“ იტალიის ჩემპიონატის 25-ე ტურის შეხვედრა „ჯენოასთან“ ფრედ 1:1 დაასრულა. Sofascore-მა კვარაცხელიას 8.3 ქულა დაუწერა და მატჩის საუკეთესო მოთამაშედ დაასახელა.

შედეგად ქართველი ფეხბურთელი ტურის რჩეულ თერთმეტეულში მოხვდა, შეფასებით კი საუკეთესო ხუთეულშიცაა – კვარაცხელიაზე უკეთესი შეფასება კარლოს აუგუსტოს („ინტერი“, 8.4), ჰაკან ჩალჰანოღლუს („ინტერი“, 8.9), მარკო პაშალიჩსა („ატალანტა“, 8.7) და მილე სვილარს („რომა“, 9.3) აქვთ, ხოლო „ინტერის“ მცველს, ალესანდრო ბასტონის – ხვიჩას მსგავსად 8.3 ქულა დაუწერეს.