“რაც მეტად განვითარებულია საზოგადოება და მეტია მასში პასუხისმგებლიანი მოქალაქე, მით ნაკლებია – ნარცისიც” – რას წერს თამარ ჩერგოლეიშვილი

“ტაბულას” დამფუძნებელი და “ევროპული საქართველოს” ერთ-ერთი ლიდერი თამარ ჩერგოლეიშვილი სოციალურ ქსელში ახალ პოსტს აქვეყნებს.
“ცხოვრებისეული რჩევების გაცემის ფეხზე ავდექი – if I may!
ხშირად ვიძახი ხოლმე, რომ ჩვენი საზოგადოება სავსეა ბავშვობაში გაჭედილი ზრდასრულებით.
ეს არ არის ჩემი სიტყვები – მერაბ მამარდაშვილის დაკვირვებაა.
როგორია ბავშვი? მას თავი სამყაროს ცენტრში წარმოუდგენია და ყველაფერი, რაც მის გარშემო ხდება, მის შესახებაა.
ამიტომ, როდესაც მას აბრაზებ – სამყაროს მტერი ხარ, ბოროტი ხარ, ცუდი ხარ…
ბავშვების ეს თვისება მათ სისაყვარლეს ვერაფერს აკლებს.
ხოლო უფროსებს – საზიზღარ ნარცისებად აქცევს.
ამ განსხვავებას, პირველ რიგში, საკუთარ სიტყვებზე და ქმედებებზე განსხვავებული პასუხისმგებლობა წარმოშობს.
რაც მეტად განვითარებულია საზოგადოება და მეტია მასში პასუხისმგებლიანი მოქალაქე, მით ნაკლებია – ნარცისიც,
ჩვენ პოსტ-ტოტალიტარული საზოგადოება ვართ.
შესაბამისად, გასაკვირი არაა, რომ ჩვენი საზოგადოების წევრებს დაჩლუნგებული აქვთ ინდივიდუალური პასუხისმგებლობის გრძნობა, რამდენადაც ინდივიდუალური ინიციატივა ათეულობით წლების განმავლობაში ისჯებოდა.
ამიტომაცაა, რომ ჩვენი საზოგადოება სავსეა ბავშვობაში გაჭედილი ზრდასრულებით, ანუ ნარცისებით.
როგორ გამოვიცნოთ ნარცისი?
სცადეთ მისი გაბრაზება.
თუ გაბრაზებულმა დაგიწყოთ მტკიცება, რომ „თქვენ მარტო დარჩებით“, რომ „სწორედ ეს საქციელია, რის გამოც არავის უყვარხარ“… ჩათვალეთ, რომ თქვენ წინაშეა ტოქსიკური ნარცისი – ის ხომ სამყაროს ცენტრია, მისი გაბრაზება სამყაროს გადაკიდებას ნიშნავს, ხოლო მისი უარყოფა, სამყაროს უარყოფას?
ეგრევე გააგდეთ შორს, მოუსავლეთში.
ეს ასეა როგორც პირად, ისე საზოგადოებრივ ცხოვრებაში.”-წერს ჩერგოლეიშვილი