მეცნიერებმა “ჭკვიანი ტატუ” შექმნეს, რომელიც ადამიანის კანსა და ნებისმიერ საგანზე დატანის შემდეგ ბრწყინავს. ასეთი ტატუები იმავე სინათლის გამოსხივებას ემყარება, რომელიც ტელევიზორებისა და სმარტფონების ეკრანებშია გამოყენებული.
როგორც შემქმნელები ამბობენ ჭკვიანი ტატუს გამოყენება საკმაოდ მცირე ხარჯებთანაა დაკავშირებული და ტატუირების სხვადასხვა ტექნიკასთან შერწყმა მისი ფართო სპექტრისთვის გამოყენების შესაძლებლობას იძლევა. ის შეგვიძლია გამოვიყენოთ როგორც ფუნქციური, ისე ესთეტიკური თვალსაზრისით. მაგალითად, სპორტსმენებს საშუალება ეძლევათ, სხეულზე დაიტანონ დროებითი OLED (ორგანული დიოდური სინათლე) ტატუ, რომელიც ოფლის სენსორთან ერთად გაუწყლოების სიგნალს იძლევა. ასევე, საინტერესოა ჭკვიანი ტატუს პროდუქტებზე დატანაც – ის საკვების ვადის ამოწურვას გვაუწყებს. რაც შეეხება ესთეტიკურ მხარეს, ასეთი ტატუ ალბათ, მოდის სფეროში ბევრს მოხიბლავს.
“ჯანდაცვის კუთხით ასეთი ტატუ პაციენტის მდგომარეობის ცვლილებას გვაუწყებს. ასევე, თუ ტატუ კანის მეორე მხარეს იქნებოდა, პოტენციურად მისი კომბინირება მოხერხდებოდა light-sensitive თერაპიასთან, კინოს უჯრედების სამკურნალოდ” – ამბობენ მეცნიერები.
საინტერესოა, რომ ტატუსთვის მსგავსი მეთოდის გამოყენება პირველი შემთხვევა არ არის – იტალიის ტექნოლოგიურ ინსტიტუტში ელექტროდები პირველად გამოიყენეს ადამიანის სხეულზე ტატუს დასახატად, რომლის საშუალებითაც რამდენიმე დიაგნოსტიკური ტესტის ჩატარებაა შესაძლებელი, მათ შორის, ელექტროკარდიოგრამის.
კონცეფციის მტკიცებულების შესწავლა პირველი ნაბიჯია. სამომავლო გამოწვევებში შედის ჭკვიანი ტატუს მაქსიმალური განვითარება, რათა ამ ტექნიკით შესრულებული ტატუ ჰაერთან კონტაქტით სწრაფად არ დეგრადირდეს.