15 წლის ბიჭი საკუთარი დის დაცვის დროს მძარცველთან შერკინებისას გარდაიცვალა,- ინფორმაციას ავრცელებს THE SUN.
აღნიშნული შემთხვევის შესახებ პოლიციას შეატყობინეს, რომლის შემდეგაც სამართალდამცავებმა 27 წლის დაჭრილი ბოროტმოქმედი აღმოაჩინეს ახლომდებარე ტერიტორიაზე. მკვლელმა პოლიციელების გამოჩენისთანავე გაქცევა სცადა, თუმცა იგი დააკავეს.
,,თინეიჯერი ბიჭი ცდილობდა საკუთარი სახლისა და დის დაცვას, თუმცა თავდამსხმელი უფრო ძლიერი აღმოჩნდა და ახალგაზრდას სასიკვდილო ჭრილობები მიაყენა“ ,- განაცხადა შერიფმა ბილლ ფრამელმა მედიასთან ინტერვიუში.
სოციალურ მედიაში გარდაცვლილი ბიჭის დედამ წერილი გამოაქვეყნა სადაც იგი აცხადებს: „26 სექტემბერს კაილერი გარდაიცვალა იმის გამო, რომ მან გმირობა გადაწყვიტა და თავისი 5 წლის და სიკვდილისგან იხსნა. გთხოვთ დამეხმაროთ, რომ კაილერი დავკრძალოთ ისე, როგორც ამას იმსახურებს. ჩემს ბიჭს მთელი ცხოვრება წინ ჰქონდა, თუმცა შეუბრალებელმა თავდამსხმელმა იგი არ დაინდო“ .
მოქალაქეების მიერ გაწეული დახმარების შედეგად, გარდაცვლილი ახალგაზრდას ოჯახისთვის 60 000 $ დოლარი შეგროვდა. ოჯახის წარმომადგენელმა კრისტალ სტოუნმა განაცხადა, რომ ეს ფული საკმარისია არა მარტო კაილერის დაკრძალვის ხარჯების დასაფარად, არამედ დედისა და 5 წლის გოგონას მიერ ახალ საცხოვრებელში გადასასვლელად, რადგან ის სახლი, სადაც მკვლელობა მოხდა, მათ მძიმე ფსიქოლოგიურ სტრესს აყენებს.