უკრაინაში მებრძოლი ქართველი ჯარისკაცი, ვანო ნადირაძე, სოციალურ ქსელში ახალ პოსტს აქვეყნებს.
„ძალიან ბევრ ახალგაზრდას მოუწერია და ეხლაც მწერს რომ, აქ ომში ჩამოსვლა უნდა.
ომი……იცით რა არის ომი? ომი არის რიტუალი , ომი არის ღმერთი, ომი არის სიკვდილი.
ომში ვერავისზე ვერ ილოცებ, იმიტომ რომ აქ ყველაფერს თვითონ ღმერთი წყვეტს.
დღეს ცოცხალი ხარ….ხვალე მოგკლავენ.ეს არაა ბედისწერა , ეს არაა კარმა, ეს არაა ცოდვებისთვის გადახდილი საფასური….ესაა სიკვდილი რომელიც ბრძოლის ველზე დადის და იღებს გადაწყვეტილებას თან ვინ წაიყვანოს .
ეს ის ადგილია სადაც არ შეიძლება იფიქრო იღბალზე, იმაზე თუ როგორ დაბრუნდები სახლში,აქ არ შეიძლება მტრის შესაძლებლობების დაუფასებელობა.
ომი არის პროფესია და ომის დამთავრების შემდეგ , შენ აღარ ხარ ის ადამიანი ვინც ადრე იყავი. შენ ხარ სიკვდილის მანქანა და ეს დაღი მთელი ცხოვრება გაგყვება, უკვე ვეღარაფერს შეცვლი.
ომი არის ღმერთი….ომი არის რიტუალი….ომი არის სიკვდილი….
ნუ მწერთ , მე დაფიცებული მაქვს რომ აქ არავის არ ჩამოვიყვან…“, – წერს ის.