კაცმა, საოცნებო თაფლობის თვე, რომელიც მეუღლესთან ერთად საბერძნეთის კუნძულ სანტორინიზე უნდა გაეტარებინა, ჩაშალა.
გაირკვა, რომ ინციდენტის წინა დღეს, 43 წლის კრისტოფერ ტომსონი აეროპორტის დარბაზში სვამდა, რადგან მისი რეისი გადაიდო.
თვითმფრინავში ასვლის შემდეგ კაცმა დაიწყო ელექტრონული სიგარეტის მოწევა. თვითმფრინავის ეკიპაჟმა შენიშნა ეს და მგზავრს სთხოვა აღარ გაეგრძელებინა მოწევა, მაგრამ კრისტოფერი ძალიან მთვრალი იყო და არ დაემორჩილა.
საბოლოოდ, ფრენა კვლავ გადაიდო და შემთხვევის ადგილზე პოლიცია გამოიძახეს. პოლიციამ მას ხელბორკილები დაადო და თვითმფრინავიდან ჩამოიყვანა.
მანჩესტერის სამეფო სასამართლოში, მისტერ ტომსონმა ბრალი აღიარა, რომ თვითმფრინავში ნასვამ მდგომარეობაში ავიდა. მას მიესაჯა 10-კვირიანი თავისუფლების აღკვეთა. მან ასევე უნდა შეასრულოს 180 საათი ანაზღაურებადი სამუშაო და გადაიხადოს გარკვეული თანხა.
თავის მხრივ, კომპანიამ მამაკაცს ერთი წლით აუკრძალა თავისი სერვისით სარგებლობა.