ფორმულას ინფორმაციით, თბილისის 221-ე საჯარო სკოლის უფროსკლასელებმა იჩხუბეს, რის შემდეგაც ერთმა მოსწავლემ დაზიანებები მიიღო. ის საავადმყოფოში გადაიყვანეს. შემთხვევა გუშინ მოხდა.
ინფორმაციის თანახმად, რომელიც ფორმულას მიაწოდეს, მასწავლებლებმა მოზარდებს შორის დაპირისპირების შესახებ იცოდნენ და მასწავლებელმა და მანდატურის სამსახურის თანამშრომელმა სახლამდე გააცილეს, როდესაც მას ზურგიდან დაესხნენ თავს.
ფორმულას წყაროს ინფორმაციით, დაზიანებები მიიღო რამდენიმე მასწავლებელმაც, რომლებიც მოზარდების გაშველებას ცდილობდნენ. ამ ინფორმაციას უარყოფს დირექტორი და ამბობს, რომ მასწავლებლები არ დაშავებულან.
სკოლის დირექტორის, ეკა სააკაშვილის ცნობით, კლინიკაში მყოფი ბავშვის მდგომარეობა დამაკმაყოფილებელია.
სკოლის დირექტორი ირწმუნება, რომ შესაბამისმა უწყებებმა გამოძიება დაიწყეს, თუმცა ფორმულას ინფორმაციით, სკოლა დაპირისპირების შესახებ ინფორმაციას მალავს.
“უბრალოდ მასწავლებლები აშველებდნენ, არანაირი დაშავება არ არის… ყველაფერს ვარკვევთ… ჩაერთნენ სკოლის მანდატურები, გადაეცა ეს ყველაფერი პატრულს და არკვევენ ისინი”- ამბობს სააკაშვილი.