„ღამის შოუს ბენდი“ მომღერალი, ბაბი კირკიტაძე, ტელეწამყვან გია ჯაჯანიძის გადაცემა „სხვა რაკუსს“ ესტუმრა.
მან ისაუბრა თემაზე – რა გავლენას ახდენს საზოგადოება თითოეულ ჩვენგანზე – და გაიხსენა ერთ-ერთი გამოსვლისას, თავისი კომბინიზონის გამო, ხალხის გამოხმაურების ამბავი.
„აღიარებით ჩვენებას მოგცემ ახლა. გადახვევა რომ შეიძლებოდეს ამ დღის, რა კარგად მოვიქცეოდი, ამ კომბინიზონს, რა თქმა უნდა, არ ჩავიცვამდი.
დედას ვფიცავარ, 0. 01 %-იც არ დამიშვია, რომ ამ კომბინოზონს შეიძლებოდა, ასეთი ხმაური გამოეწვია. ეს კომბინიზონი მქონდა, მაგრამ ვერსად ვერ დავასაქმე, იმიტომ რომ აბსოლუტურად სასცენოა, ბრჭყვიალებით. რომ ჩავიცვი, ვნახე, რომ ძალიან გამჭვირვალე იყო. გავიხადე და შიგნიდან ელასტიკი ჩავიცვი.
მეგონა, რომ კარგად გამოვიყურებოდი. სცენაზე გაანათებს – მეთქი, ვფიქრობდი. სახლიდან კონცერტზე ამ კომბინიზონით წავედი. კონცერტზე რომ მივედი, ყველამ მითხრა, როგორ გიხდებაო, თორემ რამეს მოვიცვამდი და ისე გავიდოდი.
კარგი, დავუშვათ, არ მიხდებოდა, კრიტიკის ფორმა იმდენად გამაოგნებელი იყო, გაოცებული ვიყავი. რა თქმა უნდა, კომენტარებს ვკითხულობდი. წერდნენ „ზესტაფონელი დუა ლიპა“, „ამას თავი ვინ ჰგონია, ბიონსე“? ისე, ძალიან კარგ მომღერლებს მადარებდნენ და ამით კმაყოფილი ვიყავი.
გავნერვიულდი ამ კომენტარებზე და ცხარე ცრემლით ვტიროდი. ერთი ჩემი მეგობარი მომიბრუნდა და მითხრა, ამბიციები წინ ნუ გაგისწრებს. ქრისტეს არ გაჰყოლია 100 %-ით ხალხის სიყვარული და შენ ვინ ხარო. ეს იყო ჩემთვის ხსნა და შვება“, – თქვა ბაბიმ.