მომღერალი ნანი ბრეგაძე ჟურნალისტ ნანუა ჟორჟოლიანის გადაცემა „სხვა ნანუკას“ ესტუმრა.
მან სხვადასხვა თემის, მათ შორის, ასაკის შესახებ ისაუბრა.
„სულ წარსულში ვარ! უკვე ძნელია ფიქრი მომავალზე, მაგრამ ძალიან მინდა, დიდხანს ვიცოცხლო, მიხარია სიცოცხლე!
87 წლის ვარ, მავიწყდება რამდენი წლის ვარ, ძნელი სათქმელია… არ მაქვს აღქმა, რომ ასაკში ვარ, მაწუხებს
ჯანმრთელობა, მაგრამ ეს არ მაჩერებს.
ახლა 62 წლის ვარ, ასე ვგრძნობ თავს. ადამიანს თავისი თავი უნდა უყვარდეს, მე ჩემი თავი მიყვარს, თუმცა არ მომწონს.
ჩემი სახლი იყო სავსე მეგობრებით, სულ მხიარულება იყო, ახლა ძალიან მაკლია სტუმრები… ის მეგობრები, რომლებიც აღარ არიან ცოცხლები“, – თქვა ნანი ბრეგვაძე.