ბიძინა ივანიშვილის ქონება 6.62 მილიარდ დოლარამდე გაიზარდა – ინფორმაციას Bloomberg-ი ავრცელებს.
ამ მაჩვენებლით საქართველოს ყოფილი პრემიერ-მინისტრი 500 ყველაზე მდიდარი ადამიანის სიაში 383-ე ადგილზეა. შედარებისთვის, 2023 წლის 30 დეკემბრის მდგომარეობით მისი ქონება $6.60 მილიარდს შეადგენდა და რეიტინგში მე-400 ადგილზე იმყოფებოდა.
Bloomberg-ის თანახმად, ივანიშვილი $5.58 მილიარდს ნაღდი ფულის სახით ფლობს, დანარჩენი კი კერძო აქტივებში აქვს ჩადებული. კერძო აქტივებიდან $45 მილიონი უძრავ ქონებაზე, $1 მილიარდი კი ხელოვნების ნიმუშებზე მოდის.
