“ეს წარმოადგენს ქალისა და ბავშვის ღირსების მძიმე შელახვას”– რის აკრძალვას ითხოვს რომის პაპი

რომის პაპი ფრანცისკე საერთაშორისო საზოგადოებას და მოუწოდებს, აიკრძალოს სუროგაციის პრაქტიკა და ორსულობის „კომერციალიზაცია“.  ინფორმაციას ამის შესახებ ბრიტანული გამოცემა Independent-ი ავრცელებს.

რომის პაპის თქმით, სუროგატი დედობა დედისა და ბავშვის უფლებების სერიოზული დარღვევაა.

“საზიზღრად მიმაჩნია ე.წ. სუროგატი დედობის პრაქტიკა, რომელიც წარმოადგენს ქალისა და ბავშვის ღირსების მძიმე შელახვას დედის მატერიალური საჭიროებების სიტუაციის ექსპლუატაციის საფუძველზე. ბავშვი ყოველთვის საჩუქარია და არასდროს არის კომერციული ხელშეკრულების საფუძველი”, – აღნიშნა მან.