ბაღდათიდან გადმოყვანილი მიუსაფარი ძაღლი, რომელსაც მთელი საქართველო გულშემატკივრობდა მოკვდა. ცხოველს ოპერაციაც ჩაუტარდა, თუმცა მისი გადარჩენა ვერ მოხერხდა.
თავდაპირველად გავრცელებული ინფორმაციით, ძაღლს პირში ასაფეთქებელი აუფეთქეს, თუმცა, გამოკვლევების შედეგად დადასტურდა, რომ ცხოველს თავის არეში ჰქონდა ბლაგვი საგნით მიყენებული ჭრილობა. სწორედ ამან გამოიწვია პირის ღრუდან სისხლდენა.
24 დეკემბერს სოციალურ ქსელში გავრცელდა ვიდეოკადრები, სადაც ჩანდა, რომ მიუსაფარ ძაღლს ბლაგვი საგნით თავის არეში ჰქონდა დაზიანებები მიყენებული.