ნანი ბრეგვაძე მომღერალ თემურ წიკლაურის გარდაცვალების გამო სამძიმრის წერილს ავრცელებს.
“დიდი გულის ტკივილით და მწუხარებით, მინდა მივუსამძიმრო სრულიად საქართველოს, ჩემთვის ძალიან პატივსაცემი და ჩვენი დროის გამორჩეული მომღერლის, თემურ წიკლაურის გარდაცვალება.
ის ყოველთვის დარჩება ჩვენს გულებში, როგორც არაჩვეულებრივი პიროვნება და მისი საქმის უბადლო შემსრულებელი.
ვუსამძიმრებ ოჯახს და ვიზიარებ მათ მწუხარებას” – წერს ნანი ბრეგვაძე სამძიმრის წერილში, რომელსაც კულტურის პალატის თავმჯდომარე, დავით ოქიტაშვილი აქვეყნებს.
მომღერალი თემურ წიკლაური კორონავირუსით გამოწვეული გართულებების შედეგად 75 წლის ასაკში გარდაიცვალა.