ცხოველთა მაღაზიიდან 12 ფრანგული ბულდოგი მოიპარეს. ამის შესახებ უცხოური მედია წერს.
გამოცემის ცნობით, ძაღლების საერთო ღირებულება 100 000 დოლარია.
პოლიცია სავარაუდო დამნაშავეთა ჯგუფს ეძებს.
მაღაზიის მფლობელმა თქვა, რომ ეჭვმიტანილებმა მოიპარეს 12 ფრანგული ბულდოგი, მათ შორის 10 თვის. ასევე, მამაკაცებმა მაღაზიაში არსებული სალაროდან 2 000 დოლარი მოიპარეს.
სათვალთვალო კამერებში ჩანს, რომ მაღაზიაში 4 ნიღბიანი მამაკაცი შეიჭრა და ძაღლები ფურგონით წაიყვანა.
გამოცემამ ასევე გაავრცელა ინფორმაცია, რომ მაღაზია ძაღლების დაბრუნებისთვის მნიშვნელოვან ჯილდოს სთავაზობს, მაგრამ თანხა დაკონკრეტებული არ არის.