ბათუმში, აბუსერიძის 38 ნომერში მდებარე რესტორანი პოლიციამ დალუქა. TV25-მა ობიექტზე რეპორტაჟი გუშინ მოამზადა. ავთანდილ ბოლქვაძემ, რომელიც ამ ქუჩაზე ცხოვრობს, მრავალბინიანი საცხოვრებლის პირველ სართულზე რესტორანი გახსნა და მისი გაფართოების მიზნით, სარდაფში, საყრდენი კედლის ნაწილი დაანგრია.
მოქალაქეები დახმარებას დიდი ხნის განმავლობაში ითხოვდნენ. მუნიციპალურ ინსპექციასაც რამდენჯერმე მიმართეს. უწყებაში გუშინ განგვიმარტეს, რომ უნებართვოდ ღიობის გამოჭრასთან დაკავშირებით საქმის წარმოება ამ დრომდე მიმდინარეობს.
წყარო: TV25