ქუთაისში შენობის ახალი მესაკუთრე ოკუპირებული აფხაზეთიდან დევნილი 3 ოჯახის გამოსახლებას გეგმავს. ინფორმაციას აღნიშნულის შესახებ infoimereti.ge ავრცელებს.
“არაფერს არ ვაპირებ. ბენზინი რომ მქონდეს, დავდგები აგერ დავისხამ და დავიწვავ თავს. უკვე ეს გადაწყვეტილება მივიღე. რად მინდა ასეთი სიცოცხლე? როგორ შემოვედით თვითნებურად, მე სოხუმიდან მოვიდოდი აქ თვითნებურად? იძულებული ვარ, რომ დავისხა თავზე ბენზინი, დავიწვა. ჩემს სიცოცხლეს მაინც აზრი არ აქვს. უპატრონოდ დავრჩი, პატრონი აღარ მყავს.
ხელისუფლება უნდა დაინტერესდეს, არც მოსულან, არც უკითხავთ რა გვიჭირს, პირიქით, თვითნებურად შემოხვედითო, ასე გვეუბნებიან, ცილს გვწამებენ” – აცხადებს ერთ-ერთი დევნილი.