მომღერალი სოფო ნიჟარაძე საზოგადოების ყურადღების ცენტრში მას შემდეგ მოექცა, რაც 2008 წელს, აგვისტოს ომის შემდეგ, რუსეთიდან საქართველოში დაბრუნდა და დღემდე მისი პირადი ცხოვრება თუ მუსიკალური კარიერა აქტუალობას არ კარგავს.
მას შემდეგ კი, რაც სოფო ნიჟარაძეს შვილი ამერიკაში შეეძინა, ამბობდნენ, რომ ბავშვის მამა ექსპრეზიდენტი იყო, რაც უკვე პატიმრობაში მყოფმა სააკაშვილმა 2022 წლის დადგომამდე რამდენიმე საათით ადრე “ფეისბუქპოსტით” დაადასტურა. თან ისე, რომ იმ დროისთვის უკვე გაცხადებული ჰქონდა, რომ ცოლად უკრაინის რადას დეპუტატი ლიზა იასკო მოიყვანა.
“ტყუილია ეს ინფორმაცია, იმ გოგოსაც ნუ აყენებთ უხერხულ მდგომარეობაში. ეს ისეა სიმართლე, როგორც მე მეკუთვნის მთელი უკრაინის კურორტები. ჭორს რა გამოლევს უსაქმურ და ბოღმიან ხალხში? მის ოჯახში ყველაფერი კარგად არის, არაფერი არ მომხდარა”, – აცხადებდა ნიკოლოზ სააკაშვილი.
შეგახსენებთ, რომ სანდრა რულოვსმა მიხეილ სააკაშვილის ლიზა იასკოზე ქორწინების შესახებ მედიიდან შეიტყო.