იაშირ ჯაფაროვის დედა ამტკიცებს, რომ სოფელ თულარში მომხდარ სასტიკ ანგარიშსწორებას სხვა ფიგურნატებიც ჰყავდა.
70 წლის ქალი, რომელიც სიკვდილს თვითონაც სასწაულით გადაურჩა, ირწმუნება, რომ აკუბ ხირხავაროვს საკუთარი ძმა ეხმარებოდა, რომელიც სასტიკი მკვლელობის მომენტში გარეთ მანქანით ელოდებოდა და შემდეგ მიმალვალში დაეხმარა.
იაშირ ჯაფაროვის დედა შურისძიებაზე საუბრობს და ამბობს, რომ თუ ბრალდებულს სათანადოდ არ დასჯიან, მაშინ თავად და მისი ოჯახი გაუსწორდება.
“დავწვავ, არ ვაცოცხლებ, თუ სათანადოდ არ დასჯიან ჩვენ თვითონ დავსჯით….მის სახლს ცეცხლს წაუვუკიდებ და მეც თავს დავიწვავ. ერთადერთი შვილი 30 წლის ბიჭი მომიკლა თვალწინ …შემოვარდა დიდი ავტომატით, მე მეძინა ჩემი შვილიც საწოლში იწვა აქ, ტელევიზორს უყურებდა. გოგო დახვდა წინ და პირველი მას დაუმიზნა. უმისამართოდ ისროდა გარშემო, ერთი მთელი წერტილი აღარ დარჩა სახლში. ჩემი ბიჭი ფეხზე რომ მდგარიყო გადარჩებოდა, იარაღს წაართმევდა, მაგრამ ფეხზე წამოდგომაც ვერ შეძლო ჩამიცხრილა. მაყურებინა საკუთარი შვილის წამებით სიკვდილს. რის გამო? არაფრის გამო. რა უნდოდა? ეს გოგო ეუბნებოდა სულ რომ მასთან არ დაბრუნდებოდა”, – ამბობს მოკლულის დედა.
ყოფილი ცოლის მკვლელობაში მხილებული კაცი ახლა ბრალის წარდგენის მოლოდინშია. ის პოლიციამ დანაშაულიდან რამდენიმე საათში, ტყეში დააკავა.
მომხდარზე გამოძიება სისხლის სამართლის კოდექსის 19-109-ე და 236-ე მუხლებით მიმდინარეობს, რაც სასჯელის სახედ თავისუფლების აღკვეთას ვადით 16-იდან 20-წლამდე, ან უვადო თავისუფლების აღკვეთას ითვალისწინებს