29 ნოემბერს, ჩემპიონთა ლიგის მე-5 ტურის მატჩისთვის, „ნაპოლი“ მადრიდის „რეალს“ ესტუმრება.
ქართველი ვარსკვლავისთვის, ხვიჩა კვარაცხელიასთვის ეს განსაკუთრებული შეხვედრა იქნება. ამაზე ყურადღებას ამახვილებს უცხოური პრესაც.
„კვარა განსაკუთრებული ფეხბურთელია, ყოველთვის გამორჩეული, რაც რუდი გარსიამ ბოლომდე ვერ გააცნობიერა. ნაპოლიში კი ეს ძალიან კარგად იციან და ამიტომ, ეცდებიან, რაც შეიძლება მალე უზრუნველყონ ის ახალი, უფრო ხანგრძლივი ხელშეკრულებით, ქართველი ფეხბურთელის ღირებულებასთან მიახლოებული ხელფასით.
ხვიჩას ზაფხულში ანჩელოტის რეალიც აკვირდებოდა, რომელთან დაპირისპირებაც ახლა ელის. როდესაც მან ნაპოლისთან კონტრაქტი გააფორმა, ასეთ საღამოზე ოცნებობდა. ამაზე ფიქრი აჩქარებს გულისცემას, რადგან ხვიჩა კვარაცხელია პირველად გავა “სანტიაგო ბერნაბეუზე”, სტადიონზე, რომელსაც ბავშვობიდან ტელევიზორში აღტაცებული უყურებდა. არ არსებობს უკეთესი თეატრი, სადაც კვარა შეძლებს უგოლო სერიის შეწყვეტას ჩემპიონთა ლიგაზე, სადაც 13 თვეზე მეტია გოლი არ გაუტანია“, – წერს Gazzetta Dello Sport.
წყარო: evropop.ge